in donon ghar ka khana-khuda kaun ghair hai
shaikh-e-haram abas the inkar-e-dair hai

ai yar-e-be-khabar tu meri le na le khabar
wird-e-zaban tera hi mujhe zikr-e-khair hai

ghibat mein kya talluq use yaad se meri
kuchh kaam us ka atka bhala mujh baghair hai

parwa hai kab use mere rafa-e-malal se
gah shaghil-e-shikar kabhi gasht-e-sair hai

be-wajh kya hain hum se ye be-ruiyan teri
kya hum mein aur tujh mein kisi ru se bair hai

insan rakkhe ishq ki nisbat se imtiyaz
yun qaid-e-khwab-o-khur mein to har wahsh wa tair hai

apni gali mein dekh ke 'hasrat' ko bola yar
chal ja pare ho dur agar teri khair hai