intiha-e-ishq ka is din tamasha dekhna
tum mere gharqab hone ka nazara dekhna

samne tufan hai aur dil mein hai azm-e-safar
main samundar dekhta hun tum kinara dekhna

chhin li khush-fahmiyon ne hum se jab binai bhi
be-hisi is darja ho to aaina kya dekhna

dastakon par dastaken hain har dar-e-ehsas par
apni barbaadi ka na ho kuchh ishaara dekhna

us ke kuche se nikal kar aa gae to phir 'nafis'
har dayar-e-naz mein khun-e-tamanna dekhna