intiha zoaf ki hai saf numayan mujh se
ramaq-e-jaan mein mera jism hai pinhan mujh se

shor hai wo na wahan aur na yahan wo sunsan
shahr viran hai aabaad bayaban mujh se

bas-ki mushkil ko samajh rakkha hai main ne aasan
mushkilen karte hain hal apne khud aasan mujh se

daman-e-dasht hai aur phir mera pa-e-wahshat
phir hua josh-e-junun dast-o-gareban mujh se

shab-e-tanhai mein 'besabr' ba-qaul-e-'ghaalib'
saya khurshed qayamat mein hai pinhan mujh se