is hawale se use pand-e-shakebai ho
tere zakhmon ki miyan itni to gahrai ho

kaise phir mujh ko khayal aae mulaqat ka dost
jab tera nam bhi lene mein ruswai ho

jab bayan hone lagen poren zaban chhu jaen
meri taklif ki kuchh aisi pazirai ho

teri harakat ki badaulat hai ibaadat meri
tu jahan pair rakhe meri jabin-sai ho

kash wo chhat pe khadi baal sukhati ho ghazal
aakhiri hi sahi par khwahish-e-angdai ho