is ibtida ki saliqe se intiha karte wo ek bar mile the to phir mila karte kiwad garche muqaffal the us haweli ke magar faqir guzarte rahe sada karte hamein qarina-e-ranjish kahan mayassar hai hum apne bas mein jo hote tera gila karte teri jafa ka falak se na tazkira chheda hunar ki baat kisi kam-hunar se kya karte tujhe nahin hai abhi fursat-e-karam na sahi thake nahin hain mere hath bhi dua karte unhen shikayat-e-be-rabti-e-sukhan thi magar jhijak raha tha main izhaar-e-muddaa karte chiqen giri thin darichon pe chaar su 'anwar' nazar jhuka ke na chalte to aur kya karte
This is a great ranjish shayari ghazal. Please share if you liked this!!!