is ishq ke hathon se hargiz na mafar dekha
utni hi badhi hasrat jitna hi udhar dekha

tha khel sa pahle ishq lekin jo khulin aankhen
duba hua rag rag mein wo tir-e-nazar dekha

sab ho gai uth uth kar ek baz nisar shama
parwanon ne kya jaane kya waqt-e-sahar dekha

wo ashk bhari aankhen aur dard bhare nale
allah na dikhlae jo waqt-e-sahar dekha

qurban teri aankhon ke sadqe tari nazron ke
tha hasil-e-sad-nawak jo zakhm-e-jigar dekha

jate rahe dam-bhar mein sare hi gile shikwe
us jaan-e-taghaful ne jab ek nazar dekha

ahd-e-gham-e-furqat mein dil aur jigar kaise
ek zakhm idhar paya ek dagh udhar dekha

tha bais-e-ruswai har-chand junun mera
un ko bhi na chain aaya jab tak na idhar dekha

is chashm ghazalen ko mai-khana dil paya
us ru-e-nigarin ko firdaus-e-nazar dekha

yun dil ko tadapne ka kuchh to hai sabab aakhir
ya dard ne karwat li ya tum ne idhar dekha

kya jaaniye kya guzri hangam-e-junun lekin
kuchh hosh ho aaya to ujda hua ghar dekha

mathe pe pasina kyun aankhon mein nami kaisi
kuchh khair to hi tum ne kya haal-e-jigar dekha

kanta tha chashm-e-yas mein ek ek rag-e-gul
mere liye chaman bhi bayaban nikal gaya

dast-e-junun ka zof se uthna muhaal tha
kya jaane kis tarah se gareban nikal gaya

dil mein to aag hi wahi ab tak lagi hui
mana ki chashm-e-shauq ka arman nikal gaya

josh-e-junun se kuchh na chali zabt-e-ishq ki
sau sau jagah se aaj gareban nikal gaya