is se pahle ki sar utar jaen
hum udasi mein rang bhar jaen

zakhm murjha rahe hain rishton ke
ab uthen doston ke ghar jaen

gham ka suraj to dubta hi nahin
dhup hi dhup hai kidhar jaen

apna ehsas ban gaya dushman
jab bhi chaha ki zakhm bhar jaen

war chaaron taraf se hain hum par
shayad is marke mein sar jaen

samna dushmanon se ho jab bhi
aap hanste hue guzar jaen

koi surat nikaliye 'danish'
bastiyan khushbuon se bhar jaen