is waste logon ko sunai nahin dete
hum aah to bharte hain duhai nahin dete

kuchh dard hain aise ki jo chehre se ayan hain
kuchh zakhm hain aise jo dikhai nahin dete

wo raste jachte hi nahin ahal-e-dilan ko
wo raste jo aabla-pai nahin dete

yaadon ki hai ek bazm saji khana-e-dil mein
is bazm mein ghairon ko rasai nahin dete

hum log talluq mein bahut saf hain lekin
hum log talluq ki safai nahin dete