ishq ab tak hai purani ek teri taswir se
roz karti hun shikayat katib-e-taqdir se

main namazi main hi pandit rab khuda sab ek hai
ghont do gardan bhale tum mazhabi zanjir se

de na pae log jite ji agar izzat mujhe
kar rahe hain kyon janaze ko widaa tauqir se

ahmiyat ab hai kahan insan mein jazbaat ki
tolte hain aaj kal har chiz ko jagir se

ye 'tabassum' hi hai mera aslaha sab se bada
jitna mumkin nahin har jang bas shamshir se