ishq ke jaan-nisar jite hain
baad marne ke yar jite hain

zahr-e-hasrat chashidgan-e-firaq
hain muon mein hazar jite hain

dushmanon par tu tegh yar na khinch
abhi to dost-dar jite hain

tu jahan jae misl-e-ab-e-hayat
murde ab ek bar jite hain

ek din daw hai hamara bhi
yahan bazi to yar jite hain

bin ajal koi mar nahin sakta
ji ko hum mar mar jite hain

gham-e-hijran ki kuchh nahin puchh 'raza'
shukr-e-parwardigar jite hain