ishq ki jo lagan nahin dekha
wo birah ki agan nahin dekha

qadr muj ashk ki wo kya jaane
jis ne durr-e-adan nahin dekha

tuj gali mein jo kui kiya maskan
phir kar us ne watan nahin dekha

aarzu hai ki zulf kun khole
main ne kali rayan nahin dekha

lab-e-rangin dikha ai madan-e-husn
main aqiq-e-yaman nahin dekha

tuk zamin par qadam rakho sajan
aaj naqsh-e-charan nahin dekha

dil abas tishna-lab hai kausar ka
piw ka chah-e-zaqan nahin dekha

ghuncha-e-gul kun dekh gulshan mein
gar tun piw ka dahan nahin dekha

tujh masal ai 'siraj' baad-e-'wali'
koi sahab-sukhan nahin dekha