ishq mein kya kya mere junun ki ki na burai logo ne
kuchh tum ne badnam kiya kuchh aag lagain logo ne

mere lahu ke rang se chamki mehndi kitne hathon par
shahr mein jis din qatl hua main eid manai logo ne

hum hi un ko baam pe lae aur hum hi mahrum rahe
parda apne nam se uttha aankh milai logon ne

logon ka bhi ehsan hai hum par hum tere bhi shukr-guzar
teri nazar ne mara hum ko lash uthai logo ne

logon ne arman nikale hamein hi bigdi ras na aai
hum ko 'zafar' kal shaikh samajh kar khub pilai logon ne