ishq mere liye azab hua main bhi kya khanuman-kharab hua jis ne chhoda na daman-e-ummid zindagi mein wo kaamyab hua meri neki ko bhi wo shar samjhe har gunah un ka ek sawab hua jab hui dur har ghalat-fahmi wo nadamat se aab aab hua mujh se milte hi us ka ru-e-hasin ek khilta hua gulab hua kya chhupata fareb-kari wo ru-ba-ru sab ke be-naqab hua hum se milte rahe wo parde mein aur ghairon se ijtinab hua shaikh sahib bhi ham-piyala the hum pe hi kyon ye ehtisab hua chor ko hi chuna gaya mukhiya wah kya khub intikhab hua jab bhi aae wo yaad hum ko 'shaz' ek ajab dil mein iztirab hua