ishq us ko mujh se hai ya tha kabhi
mar ke bhi main jaan na paya kabhi

fikr mujh se puchhti hai raat-din
nind hai phir kyon nahin sota kabhi

daeron ke daere hai sab jagah
daera bhi khush nahin hoga kabhi

katne par sanp ke kuchh na hua
dantne par us ke main roya kabhi

waqt mujh ko har dafa pakde rakha
waqt ko main na pakad paya kabhi

bund hi baqi bachi hai ishq ki
bah raha hota tha ek jharna kabhi

aaj bhi 'anand' hans kar hi mila
dard us ka kam nahin hoga kabhi