isi chaman mein mera nazm-e-ashiyan badla
yahi zamin hai jahan mujh pe aasman badla

nizam-e-barq-o-nasheman se har saman badla
magar ye dekh kabhi rang-e-baghban badla

kahin chaman pe na tute koi bala sayyaad
ye inqalab mubarak ki aashiyan badla

khuda kare ki khilaf-e-wafa na ho anjam
mujhe khabar hai jis ummid par jahan badla

teri nazar ke ishaare hi kuchh kahen to kahen
mujhe to hosh nahin main kahan kahan badla