itna ehsan to hum par wo khudara karte
apne hathon se jigar chaak hamara karte

hum ko to dard-e-judai se hi mar jaana tha
chand roz aur na qatil ko ishaara karte

le ke jate na agar sath wo yaaden apni
yaad karte unhen aur waqt guzara karte

zindagi milti jo sau bar hamein duniya mein
hum to har baat ise aap pe wara karte

'josh' dhundlata na hargiz ye mera shisha-e-dil
gard us ki wo agar roz utara karte