jaan jaane ko hai aur raqs mein parwana hai
kitna rangin mohabbat tera afsana hai

ye to dekha ki mere hath mein paimana hai
ye na dekha ki gham-e-ishq ko samjhana hai

itna nazdik hue tark-e-talluq ki qasam
jo kahani hai meri aap ka afsana hai

hum nahin wo ki bhula den tere ehsan-o-karam
ek inayat tera khwabon mein chala aana hai

ek mahshar se nahin kam tera aana lekin
ek qayamat tera pahlu se chala jaana hai

khum o mina mai o masti ye gulabi aankhen
kitna pur-kaif mere hijr ka afsana hai