jaana zi-bas zarur tha us jalwa-gah mein hum dair-o-kaba chhod gae donon rah mein jab bosa le liya to nahin galiyon ka ranj tazir mahw ho gai shauq-e-gunah mein bikhre hain phul idhar to dhare hain udhar ko jam hai bu-e-itr-e-fitna teri khwab-gah mein sufi na khanqah mein nai rind dair mein majma hai ek jahan ka teri jalwa-gah mein 'majruh' kahiye main na hansun-bolun ta-ba-kai tum to sada rahoge isi aah-ah mein