jaane in aankhon mein ye kaisa nasha rakha hai jis ne dekha use badmast bana rakha hai tum pilaoge to pi lenge hamein kya is se zahar hai jam mein ya aab-e-baqa rakha hai ham-nashini se tumhaari hai bahaar-e-hasti in shab-o-roz mein tum hi kaho kya rakha hai is tarah aane se behtar tha na aate sahab chand lamhon ki mulaqat mein kya rakha hai mausamon ki tarah badla kiye wo par hum ne khud ko har haal mein paband-e-wafa rakha hai aap ka bazm-e-tasawwur mein chale aa jaana hum ko mahaul se begana bana rakha hai sher apne nahin mamnun kisi ke 'najmi' hum ne ba-fazl-e-khuda zehn-e-rasa rakha hai