jaane kya soch ke hum tujh se wafa karte hain
qarz hai pichhle janm ka so ada karte hain

kya hua jam uthate hi bhar aain aankhen
aise tufan to har sham utha karte hain

dil ke zakhmon pe na jao ki badi muddat se
ye diye yunhi sar-e-sham jala karte hain

kaun hai jis ka muqaddar na bani tanhai
kya hua hum bhi agar tujh se gila karte hain

rishta-e-dard ki miras mili hai hum ko
hum tere nam pe jine ki khata karte hain