jab bhi gardish mein jam aaya hai rifaton ka payam aaya hai sar nigun ho rahe hain paimane phir koi tishna-kaam aaya hai zehn ne jab nawed-e-zist na di dil-e-na-kaam kaam aaya hai bhul kar bhi na aap ne puchha kyon koi zer-e-dam aaya hai log kahte hain chandni shab hai kaun baala-e-baam aaya hai bhar gaya zindagi ka paimana aaj wo bhar ke jam laya hai meri manzil hon chand aur tare ye to sauda-e-kham aaya hai