jab bhi tumhaari yaad ki aahat mujhe mili
tanhai kanpti hui mujh se juda hui

aawaz de ke kis ko bulaun mein apne pas
zulmat ki chaar so mere diwar uth gai

wo log itni der mein kis samt ko gae
sahil pe aa chuka tha safina abhi abhi

hain shoala-bar taron ki aankhen na jaane kyun
jhulsa rahi hai jism ko kyun aaj chandni

hum apne dil ka haal sunaen kise yahan
lagta hai sara shahr hamein shams' ajnabi