jab hua wada aur wafa na hua
phir barabar hai wo hua na hua

kis se hogi jo ki wafa main ne
kis ka hoga wo jab mera na hua

tum salamat raho zamane mein
meri kya main hua hua na hua

ghair ke badle chhodte ho mujhe
wo agar khugar-e-jafa na hua

jaan deni qubul ki hum ne
dil lagane ka jo sila na hua

jab kaha us ne aaj kyon chup ho
phir shikayat ka hausla na hua

jis ke 'mahmud' wo hue dushman
us ka phir koi aashna na hua