jab kabhi us ki yaad aai hai sau bahaaren jilau mein lai hai ho na ho us ki yaad aai hai umr-e-rafta ko sath lai hai baada-e-ishq ka surur na puchh us ne pi kar mujhe pilai hai kash mil jae phir ganwane ko zindagi hum ne jo ganwai hai mujh ko ehsas-e-rang-o-bu na hua yun bhi aksar bahaar aai hai tabish-e-mehr-o-mah hai phiki jab se wusat nazar ne pai hai tere bandon ko kya hua ya-rab tujh se dawa-e-ashnai hai us se hum dad-khwah-e-ulfat hain jo faqat mahw-e-khud-numai hai lala-o-gul mein dhundhne walo us ne surat kabhi dikhai hai shikwa-e-narasi-o-nakaami e'tiraf-e-shikasta-pai hai