jab muqaddar hi mein hai tanhai se yari pagal phir wahi shakhs hai kyun zehn pe tari pagal raat bhar teri tamanna ke safar mein guzri dur tak tirgi-e-rah pukari pagal mujh ko rukne na diya meri junun-khezi ne aql kahti hi rahi fikr se aari pagal tujh ko har subh ke aaghaz pe socha main ne mujh ko karti hi rahi meri khumari pagal tu ne kaghaz pe kabhi naqsh banaya tha mera kar gai mujh ko wahi naqsh-nigari pagal jhum kar jab mere chehre pe wo lahrai thi tum ne kis naz se wo zulf sanwari pagal mera saya hi faqat sath mere chalta hai apne sae se hi rakhti hun main yari pagal us ne dil haar ke 'zaryab' mujhe jit liya ishq ki rit hai duniya se niyari pagal