jab naqab-e-chehra-e-qatil khula
tab dil-e-wabasta-e-bismil khula

jab chadhaya dar par mansur ko
tab muamma-e-haq-o-baatil khula

jaane walon par adam ke kya bani
kuchh na haal-e-sakhti-e-manzil khula

meri khamoshi ka ek charcha hua
band lab rakhne se raaz-e-dil khula

hasrat-e-didar-e-qatil dekhna
rah gaya hai dida-e-bismil khula

zarf 'ali' dekh ai pir-e-mughan
pi gaya khum aur na raaz-e-dil khula