jab se us bewafa ne baal rakhe
said bandon ne jal dal rakhe

hath kya aawe wo kamar hai hech
yun koi ji mein kuchh khayal rakhe

rah-raw-e-rah khaufnak ishq
chahiye panw ko sambhaal rakhe

pahunche har ek na dard ko mere
wo hi jaane jo aisa haal rakhe

aise zar dost ho to khair hai ab
maliye us se jo koi mal rakhe

bahs hai na-qishon se kash falak
mujh ko is zumre se nikal rakhe

samjhe andaz sher ko mere
'mir' ka sa agar kamal rakhe