jab tere hijr ke aasar nazar aate hain mujh ko phulon mein bhi phir khar nazar aate hain mund lin is liye barbaadi pe aankhen main ne mere apne hi zimmedar nazar aate hain ya wahi bughz wahi kina wahi nafrat hai ya mohabbat ke bhi aasar nazar aate hain main hawaon ke taaqub mein bhatak jati hun phir ishaare mujhe be-kar nazar aate hain main bulandi se girai gai jis mehnat se is mein apnon ke bhi kirdar nazar aate hain shash-jihat dukh ke hain ambar hi poshida yahan jis qadar hain pas-e-diwar nazar aate hain aankh lagti hai to main khauf se uth jati hun khwab mein qafile khun-khar nazar aate hain