jab wo mah-e-rukhsar yakayak nazar aaya
us mah ki talat sun suraj dil mein dar aaya

tere rukh-e-raushan kun siyah khat mein sirijan
dekha so kaha abr-e-siyah mein qamar aaya

gulshan mein chal ai sarw-e-sahi sair ki khatir
tujh waste le gul tabaq-e-naqd-e-zar aaya

tujh jam-e-nayan mein hai ajab baada-e-sarshaar
yak did sati jis ke ho dil be-khabar aaya

muhtaj-e-kabutar nahin mujh shauq ka nama
qasid ho mera dil le sajan ki khabar aaya

kahte hain sab ahl-e-sukhan is sher kun sun kar
tujh taba mein 'daud' 'wali' ka asar aaya