jasta jasta mauj-e-tufani mein tha
aks us ka ham-safar pani mein tha

kya ye masjud-e-malaik hai wahi
khaliq-e-kaunain hairani mein tha

tegh par jis ke tha suraj ka lahu
sham ko wo marsiya-khwani mein tha

rukh pe zulfon ki ghata chhai hui
chand goya nim uryani mein tha

tirgi thi bas charaghon ke tale
aur gird-o-pesh tabani mein tha

jaan apni nazar ki jis dost par
wo bhi 'haidar' dushman-e-jaani mein tha