jazba-e-shauq kam nahin hota un ke jaane ka gham nahin hota samna ho ke ho na pas-e-adab mujh se aisa sitam nahin hota dil ne lakhon sahe hain ranj-o-alam phir bhi paband-e-gham nahin hota kaise roti hain roz-o-shab aankhen un ka daman bhi nam nahin hota gardish-e-rozgar ke hathon ranj-o-gham kuchh bhi kam nahin hota hain to khush-posh waza-dar bahut har koi mohtaram nahin hota kaam lete hain wo bhi hikmat se jin mein jah-o-hasham nahin hota