ji jae magar na wo pari jae
yarab na hamari dil-lagi jae

dil hijr mein jae ya ki ji jae
jis ka ji chahe wo abhi jae

is gil ka na wasl ho na ji jae
kyunki mere dil ki be-kali jae

tum lal-e-lab apne gar dikhao
phir su-e-yaman na jauhari jae

is ghuncha-dahan ki bu na lae
dikhlae na munh saba chali jae

saughat ki tarah pesh-e-majnun
bedi aur meri hathkadi jae

sabit hai jab pahad-e-wahshat
jab tak daman hamara si jae

ghairon ko to mai pilae saqi
main mangun to saf sun ke pi jae

ham-rah ho parwarish-e-ali bhi
yan se jo karbala 'sakhi' jae