jigar thame hue yan talib-e-didar baithe hain
maze wan lutne ko bazm mein aghyar baithe hain

faqat itna kaha tha tum zara surat dikha jao
ye sun kar aaj mujh se wo bahut bezar baithe hain

mohabbat un se kya ki le liya koh-e-alam sar par
mujhe badnam karne ko sar-e-bazar baithe hain

zara maqtal mein tum aa kar nikalo apne khanjar ko
yahan hum qatl hone ke liye tayyar baithe hain

chala to hai 'aziz' un ki gali mein shauq se lekin
qadam rakhna sanbhal kar wo bane ayyar baithe hain