jins-e-makhlut hain aur apne hi aazar mein hain
hum ki sarkar se bahar hain na sarkar mein hain

aab aate hi chamak uthte hain sab naqsh-o-nigar
khak mein bhi wahi jauhar hain jo talwar mein hain

sab faroshinda-e-hairat hun zaruri to nahin
hum se be-zar bhi is raunaq-e-bazar mein hain

halqa-e-dil se na niklo ki sar-e-khucha-e-khak
aish jitne hain isi kunj-e-kam-asar mein hain

ho chuka adl dukan band kar ai tajir-e-haq
ye saza kam hai ki hazir tere darbar mein hain