jis kun mulk-e-be-khudi ka raj hai
hai zamin takht aur bagula taj hai

khwab mein wo zulf-e-mushkin dekhnan
haq mein mere lailt-ul-meraj hai

dekh kar lashkar ghanim-e-ishq ka
kishwar-e-aql-o-khirad taraj hai

ai tabib-e-mehrban bimar-e-hijr
sharbat-e-didar ka muhtaj hai

yar ki aankhon mein hai jaisi haya
chashm-e-nargis mein kahan ye laj hai

us kaman-abru ke tir-e-naz ka
sina-chaakon ka jigar aamaj hai

dil mera tujh gham sin ai jaan-e-'siraj'
beshtar be-tab kal sin aaj hai