jis ne daman thama hoga

jis ne daman thama hoga
phul nahin wo kanta hoga

patthar le kar log aae hain
mujh ko shisha samjha hoga

basti mein ab kis ko dhundun
qatil hi ek tanha hoga

dukanon par bhid ye kaisi
khun kisi ka bikta hoga

ghar ko aag lagai kis ne
koi nahin ham-saya hoga

bhige bhige lafz hain khat mein
likhne wala roya hoga

raat gae 'khurshid' ye dastak
shayad koi bhuka hoga


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close