jis se falak padegi dil-e-paemal mein
wo kahkashan nahin hai tere khadd-o-khal mein

wo raat meri nind ka qaziya utha na de
din katta hun ab main isi ehtimal mein

khwabidgi ki tab ubhaarunga sher mein
tera jamal ungh raha hai khayal mein

ab gili lakdiyon ka bahana fuzul hai
din bhar se aag ghum rahi hai jalal mein

yani ye jism apni khanak se khada hua
ya ikhtiyar-e-ab se utra sifal mein