jis waqt tu be-naqab aawe
hoga koi jis ko tab aawe

kafi hai naqab-e-zulf munh par
aashiq se agar hijab aawe

kyunkar kahe koi haal tujh se
har baat mein jo itab aawe

qasid se kaha hai waqt-e-rukhsat
jo wo but-e-be-hijab aawe

le aaiyo gar jawab dewe
lazim hai ki tu shitab aawe

ai jaan-ba-lab rasida itna
rahna hai ki ta jawab aawe

'bedar' ko tujh bin ai dil-aram
hota hi nahin ki khwab aawe