jismon ki chadhti dhup ka jab qahr utar gaya
ek shoala dubne ko sar-e-nahr utar gaya

phir yaad aa gai hai tere aansuon ki sham
phir aaj zer-e-ab koi shahr utar gaya

ab das raha hai mujh ko mera khokhla badan
sawan ki bijliyon se mera zahr utar gaya

hum mauj-e-tah-nashin the tujhe chhu nahin sake
tu barg-e-sath-e-ab tha har lahar utar gaya

ab ru-kash-e-jamal 'musawwir' nahin koi
chehra-ba-chehra aks-e-rukh-e-dahr utar gaya