jitne din ka sath likha tha sat rahe
ab kuchh din to aankhon mein barsat rahe

ab na-shukri karna aur moamla hai
hasil hum ko ishq raha samraat rahe

andar ki dewi ne ye chumkar kaha
narm hai dil to kahe lahja dhat rahe

tum waise ke waise ho to la-yani
mana qurbani bhi ki arfat rahe

ek akele shakhs ka kaam nahin lagta
shamil us ke sath kai jinnat rahe

ek bhi dil jo tum taskhir na kar pae
kya paya jo hasil kaenat rahe

hum the bechaini ke halqe aur sukut
din mein thodi chhut mili to raat rahe

shahon ki shah-kharchi kam na ho pai
hum jaison ke jaise the haalat rahe

'hasrat' in aankhon mein chashme phut pade
jitna chup rah sakte the jazbaat rahe