jo dekho mere sher-e-tar ki taraf
to mail na ho phir guhar ki taraf

koi dad-e-dil aah kis se kare
har ek hai so us fitna-gar ki taraf

mohabbat ne shayad ki di dil ko aag
dhuan sa hai kuchh is nagar ki taraf

lagin hain hazaron hi aankhen udhar
ek aashob hai us ke ghar ki taraf

bahut rang milta hai dekho kabhu
hamari taraf se sahar ki taraf

ba-khud kis ko us tab-e-rukh ne rakha
kare kaun shams-o-qamar ki taraf

na samjha gaya abr kya dekh kar
hua tha meri chashm-e-tar ki taraf

tapakta hai palkon se khun muttasil
nahin dekhte hum jigar ki taraf

munasib nahin haal-e-ashiq se sabr
rakhe hai ye daru zarar ki taraf

kise manzil-e-dilkash-e-dahr mein
nahin mil khatir safar ki taraf

rag-e-jaan kab aati hai aankhon mein 'mir'
gae hain mizaj us kamar ki taraf