jo hai makan wahi la-makan niklega
zamin tale bhi koi aasman niklega

akela dhup ke lashkar mein ghir gaya pagal
jo sochta tha koi saeban niklega

ye jin jo kaam ka daftar ke aa gaya mujh par
badan ko saunp ke meri takan niklega

koi to hai jo sada hai mere taaqub mein
adu nahin to koi mehrban niklega

jo jaanta tha mujhe mujh se bhi zara badh kar
kise khabar thi wahi bad-guman niklega