justuju khoe huon ki umr bhar karte rahe
chand ke hamrah hum har shab safar karte rahe

raston ka ilm tha hum ko na samton ki khabar
shahr-e-na-malum ki chahat magar karte rahe

hum ne khud se bhi chhupaya aur sare shahr ko
tere jaane ki khabar diwar-o-dar karte rahe

wo na aaega hamein malum tha is sham bhi
intizar us ka magar kuchh soch kar karte rahe

aaj aaya hai hamein bhi un udanon ka khayal
jin ko tere zoam mein be-baal-o-par karte rahe