kab tak umid-e-kham pe baitha kare koi
kuchh kahne se bhi pahle to socha kare koi

qindil bujh rahi hai tamanna-e-zist ki
ab lakh lau pe lau na badhaya kare koi

gar ho sake na dil hi munawwar to ai 'nadim'
kya faeda ki kabe ko jaya kare koi

kuchh bandagi ki laj to rakh le mere khuda
main banda tera aur tamasha kare koi

'mahir' ko aarzu but-e-khud-sar ki ho na kyon
dair-o-haram mein ab kise sajda kare koi