kab tere zikr se dil shad nahin kab mere lab pe teri yaad nahin puchhiye mujh se na haal-e-mazi kya sunaun mujhe kuchh yaad nahin wo nigahon ka tasadum sar-e-rah mujh ko hai yaad tujhe yaad nahin ishq aur husn hadon mein apne donon paband hain aazad nahin jis se zahir na hon jazbaat-e-dil sher wo mustahiq-e-dad nahin istaqamat nahin jis ko hasil wo to dhoka hai teri yaad nahin gulshan-e-ilm-o-adab mein 'akmal' hazrat-e-‘qadr’ sa ustad nahin