kabhi kapde badalta hai kabhi lahja badalta hai
magar in koshishon se kya kahin shajra badalta hai

tumhaare baad ab jis ka bhi ji chahe mujhe rakh le
janaza apni marzi se kahan kandha badalta hai

rihai mil to jati hai parinde ko magar itni
safai ki gharaz se jab kabhi pinjra badalta hai

meri aankhon ko pahli aakhiri had hai tera chehra
nahin main wo nahin jo roz aaina badalta hai

ajab ziddi musawwir hai zara pahchan ki khatir
meri taswir ka har roz wo chehra badalta hai