kabhi koi rona kabhi koi rona
kabhi ek matam kabhi ek matam

na kyun dil se baaten karen hum musalsal
yahi ek monis yahi ek hamdam

hamein khauf aata hai ab dosti se
magar aap irshad kar den to sar kham

bhala shaikh-sahab hamein kyun pilaen
badi mushkilon se hui hai faraham

use ghaur se dekhna chahta hun
zamane ki gardish zara ruk zara tham

meri tarah hauka nahin shaikh-ji ko
lihaza wo ye shauq karte hain kam-kam

'shuur' ek din pesh hona padega
kahan tak bachoge aziz-e-mukarram