kabhi to nazar-e-karam mujh pe khub-ru karte tamam umr kati un ki aarzu karte khudi ko thes na lagti labon ki jumbish se nigah-e-naz se wo mujh se guftugu karte chaman se guzra bahaaron ka qafila lekin hum apne chaak-gareban kahan rafu karte hamare ghar jo kabhi jaan-e-mah-ru aata to us ke qadmon pe qurban aarzu karte nigahen un se milin tab ye ja ke hum samjhe shabab yun hi ganwaya hai justuju karte yahan to soz-e-tamanna mein aankh sukh chali rahi tamanna ki ashkon se hum wuzu karte zafar bana lo kisi ko bhi raaz-dan apna tamam umr kati dil se guftugu karte