kadi hai dhup magar saya-e-shajar hi nahin safar hai samne aur koi ham-safar hi nahin tabahiyon ka to saman kar liya sab ne tabahiyon ki magar koi bhi khabar hi nahin jise bhi dekhiye mast-o-alast hai khud mein koi bhi rahmat-e-yazdan ka muntazir hi nahin tamam log khuda-ashna to hain lekin ye aur baat hai sajdon mein ab asar hi nahin main chahta hun fazaon mein kar sakun parwaz magar ai dost mere bazuon mein par hi nahin