kaghazi naw chalate rahe hum pani par
dil ko ma'mur kiya gham ki nigahbani par

main tadap jata tha kal jin ki pareshani par
ab wahi hanste hain dekho meri virani par

ab kisi baat pe hairani nahin hoti mujhe
log hairan hua karte hain hairani par

hum pe aasani kahan khulti hai aasani se
fauqiyat dete hain mushkil ko hi aasani par

mumtahin 'ishq ke ab ahl-e-hawas hain shayad
pure number nahin milte hamein nadani par

haar kar dil jise sab saunp diya tha 'amir'
wo bhi raazi na hua dil ki jahanbani par